Молитва до рівноапостольної Ніни, просвітительки ГрузіїО, всехва́льная і преди́вная равноапо́стольная Ні́но, воісти́ну вели́коє украше́ніє Це́ркве Правосла́вния і ізря́дная похвало́ наро́ду Івері́йському, просвіти́вшая всю страну́ Грузи́нськую Боже́ственним уче́нієм, і по́двиги апо́стольства побіди́вшая врага́ на́шего спасе́нія, трудо́м і моли́твами насади́вшая зді вертогра́д Христо́в і возра́щшая єго в плод мног! Пра́зднующе святу́ю па́м'ять твою́, притека́єм к честно́му ли́ку твоєму́ і благогові́йно лобиза́єм всехва́льний дар тебі́ от Бо́жия Ма́тере, чудотво́рний Крест, єго́же ти обви́ла єси́ драги́ми власи́ твої́ми, і уми́льно про́сим, я́ко при́сную предста́тельницю на́шу: огради́ нас от вся́ких зол і скорбе́й, вразуми́ враго́в Святи́я Це́ркви Христо́ви і проти́вников благоче́стія, охраня́й твоє́ ста́до, упасе́нноє тобо́ю, і моли́ Всеблага́го Бо́га, Спаси́теля на́шего, Єму́же ти ни́ні предстої́ши, да да́руєть правосла́вному наро́ду на́шему мир, долгоде́нствіє і во вся́ком до́брім начина́нії поспіше́ніє, і да приведе́ть Госпо́дь нас в Небе́сноє Своє́ Ца́рствіє, іді́же всі святі́ї славосло́в'ять Всесвято́є Єго́ і́м'я ни́ні, і при́сно, і во ві́ки віко́в. Амі́нь.Київський Ізвод
Молитва за УкраїнуО Премилосе́рдий Го́споди, Бо́же щедро́т, і О́тче вся́каго утіше́нія! Не отврати́ лице́ Твоє́ от наро́да Твоєго́, і не посрами́ ча́янія на́шего; упова́юще на Тя, мо́лимся Тебі́, і моля́щеся на щедро́ти Твоя́ упова́єм. Сохрани́ под кро́вом Твоєя́ бла́гости Отчи́зну на́шу Украї́ну, посіти́ ю бла́гостію Твоє́ю, Го́споди; яви́ся наро́ду на́шему, ю населя́ющему, бога́тими щедро́тами Твої́ми; благорастворе́ни і полі́зни во́здухи всім да́руй, дожді́ ми́рни землі́ ко плодоно́сію да́руй; благослови́ віне́ць лі́та бла́гости Твоєя́; утоли́ раздо́ри Церкве́й, угаси́ шата́нія, і єрети́чеськая возста́нія ско́ро разори́ си́лою Свята́го Твоєго́ Ду́ха; всіх нас прийми́ в Ца́рство Твоє́, си́ни сві́та і си́ни дне показа́вий, Твой мир і Твою́ любо́в да́руй нам, Го́споди Бо́же наш, вся бо возда́л єси́ нам. Ти бо єди́н ві́си, є́же тре́буєм, і пре́жде проше́нія подає́ши, і дарова́нія утвержда́єши, і вся́ко дая́ніє бла́го, і всяк дар соверше́н сви́ше єсть, сходя́й от Тебе́, Отця́ сві́тов; Тебі́ сла́ва і держа́ва со Єдиноро́дним Твої́м Си́ном, і Всесвяти́м, і Благи́м, і Животворя́щим Твої́м Ду́хом, ни́ні, і при́сно, і во ві́ки віко́в. Амі́нь.Київський Ізвод | Молитвослов православного воїна
Із Чину великого освячення води на свято Богоявлення:Сам у́бо Человіколю́бче Царю́, прийди́ і ни́ні наї́тієм Свята́го Твоєго́ Ду́ха, і освяти́ во́ду сію́. [Тричі]І даждь єй благода́ть ізбавле́нія, благослове́ніє Іорда́ново: сотвори́ ю нетлі́нія істо́чник, освяще́нія дар, гріхо́в разріше́ніє, неду́гов ісціле́ніє, де́монов губи́тельну, сопроти́вним си́лам непристу́пну, а́нгельськия крі́пости іспо́лнену: да всі почерпа́ющії і причаща́ющіїся імі́ють ю ко очище́нію душ і тіле́с, ко ісціле́нію страсте́й, ко освяще́нію домо́в, і ко вся́кой по́льзі ізря́дну. Ти бо єси́ Бог наш, І́же водо́ю і Ду́хом обнови́вий обетша́вшеє гріхо́м єстество́ на́ше. Ти єси́ Бог наш, водо́ю потопи́вий при Но́ї гріх. Ти єси́ Бог наш, І́же мо́рем свободи́вий от рабо́ти фарао́ні Моїсе́йом род євре́йський. Ти бо єси́ Бог наш, разрази́вий ка́мень в пусти́ні, і потеко́ша во́ди, і пото́ци наводни́шася, і жа́ждущия лю́ди Твоя́ наси́тивий. Ти єси́ Бог наш, І́же водо́ю і огне́м преміни́вий Іліє́ю Ізра́їля от пре́лести Вая́лови.Сам і ни́ні, Влади́ко, освяти́ во́ду сію́ Ду́хом Твої́м Святи́м. [Тричі]Даждь же всім прикаса́ющимся єй і причаща́ющимся, і ма́жущимся є́ю, освяще́ніє, здра́віє, очище́ніє і благослове́ніє.Київський Ізвод
Молитва святому преподобному Іллі Муромцю, чудотворцю Києво-ПечерськомуО святи́й преподо́бний о́тче Іліє́! Руси́ Ки́євськия засту́пниче, могу́чий ратобо́рче, во́їне духо́вний і тіле́сний єй яви́вийся, в житії́ своє́м бла́гу наро́да ру́ськаго і прославле́нію Бо́га христия́нськаго ві́рно послужи́вий, і по преставле́нії своє́м предста́тельства своєго́ о нас не оста́вивий, іспроси́, свя́те, у Всеми́лостиваго Го́спода Оте́честву на́шему Украї́ні мир і благоде́нствіє, Це́ркві благоустроє́ніє, лю́дем правосла́вним от нечести́вих ізбавле́ніє, во́їном на́шим в ра́тех побі́ду і на враго́в, замишля́ющих зла́я, Це́ркві і Оте́честву правосла́вному одолі́ніє, всіх же нас заступи́; і є́ще про́сим тя, свя́тче Бо́жий, ра́зум нам от Бо́га ниспосли́, да позна́єм согріше́нія на́ша і си́лу духо́вную, да пока́ємся во грісі́х на́ших, і крі́пость тіле́сную, да возмощи́ нам житіє́ іспра́вити і Русь-Украї́ну святу́ю возроди́ти, і в Ца́рствіє Небе́сноє прейти́, да та́мо с тобо́ю і всі́ми святи́ми сподо́битися непреста́нні восхваля́ти в Тройці́ слави́маго Бо́га Отця́, і Си́на, і Свята́го Ду́ха, во ві́ки віко́в. Амі́нь.Київський Ізвод
Браття і сестри, адміністрація каналу Київський Ізвод щиро вітає вас із прийдешнім світським Новим Роком і бажає Божого захисту!Підсумки року нашої команди:1. З благословення Екзарха Вселенського Патріархата єпископа Команського Михаїла вийшов друком "Православний молитвослов. Київський Ізвод", над яким ми працювали більше двох років.2. Хор Вогонь Традиції записав і випустив 2 мініальбоми та зняв другий професійний відео-кліп на піснеспів Світе Тихий.3. Транслітеровано і додано на сайт віра.укр Псалтир, Євангеліє від Матфея (врерше в історії, між іншим), Молитвослов Православного воїна, низку акафістів та тропарів.4. Створено @bibleukrbot для зручного надсилання віршів з Біблії в телеграмі, українською та церковнослов'янською мовами.5. Створено редактор цс. текстів.6. Створено мобільний додаток з нашим молитвословом для Apple.Якщо ви запитаєте навіщо нам це все, то відповідь буде такою:По-перше, во славу Божу і для поширення Слова Божого.По-друге, будь-яка діяльність об'єднує православних християн і дає їм привід взаємодіяти та спілкуватися, що є дуже цінним у сьогоднішньому світі.По-третє, ми не можемо сидіти склавши руки, коли нашу тисячолітню богослужбову мову намагаються викорінити, навісити ярлик "московської", або коли україномовні люди вимушені молитися цією мовою у московській вимові. Нам також країть душу, коли на стрімінгових платформах десятки якщо не сотні православних хорів з РФ або з України, які співають московською вимовою, а Київським ізводом чи українською майже жодного. Це наш спадок, це наша культура. Якщо не зараз, то українська вимова церковнослов'янської може бути втрачена назавжди.Дякуємо, що ви з нами! Просимо у Бога сил і натхнення для роботи в наступному році!Київський Ізвод
Молитва подружжяО́тче Всеблаги́й, Тво́рче не́ба і землі́! Ти рекл єси́: не добро́ би́ти челові́ку єди́ному на землі́, і сотвори́л єси́ помо́щницю єму́. Му́жа і жену́ сотвори́л єси́ і рекл: расті́теся і мно́жітеся, і напо́лніте зе́млю, і госпо́дствуйте є́ю. Ти про́мислом щедро́т Твої́х узако́нил єси́ честно́є супру́жество в челові́ціх, і та́йною благода́ті освяти́л єси́ є, да просла́виться пресвято́є і́м'я Твоє́ в челові́чеськом ро́ді. Ти ізво́лил єси́ і нам соєдини́тися в супру́жеськоє сожитіє́ до кончи́ни жи́зні на́шея на землі́; свінча́л єси́ нас сія́нієм благоволе́нія Твоєго́. Тебі́ припа́даєм і Тебі́ мо́лимся: облада́й сердця́ми на́шими і ісполня́й я всегда́ любо́вію друг ко дру́гу, да не бу́деть между́ на́ми ні ра́спря, ні гнів, ні огорче́ніє, но да но́сим любо́вно тяготу́ друг дру́га, і бу́дем друг дру́гу в по́мощ і утіше́ніє; і да почита́юще друг дру́га живе́м ми́рно і цілому́дренно. Даждь нам всегда́ ходи́ти по за́повідем Твої́м і во всем твори́ти во́лю Твою́, да сподо́бимся благослове́нія Твоєго́ зді на землі́ і дости́гнем вінця́ небе́сния сла́ви. Я́ко Бог ми́лости, і щедро́т, і человіколю́бія єси́, і Тебі́ сла́ву возсила́єм, Отцю́, і Си́ну, і Свято́му Ду́ху, ни́ні і при́сно, і во ві́ки віко́в, амі́нь.Київський Ізвод | Молитвослов
Молитва (на сон грядущим)Ненави́дящих і оби́дящих нас прости́, Го́споди Человіколю́бче. Благотворя́щим благосотвори́. Бра́тіям і сро́дником на́шим да́руй, я́же ко спасе́нію проше́нія і жизнь ві́чную. В не́мощех су́щия посіти́ і ісціле́ніє да́руй. Я́же в мо́рі упра́ви. Путеше́ствующим спутеше́ствуй. Христия́ном спобо́рствуй. Служа́щим і ми́лующим нас гріхо́в оставле́ніє да́руй. Запові́давших нам, недосто́йним, моли́тися о них поми́луй по вели́цій Твоє́й ми́лості. Пом'яни́, Го́споди, пре́жде усо́пших оте́ць і бра́тій на́ших і упоко́й їх, іді́же присіща́єть світ лиця́ Твоєго́. Пом'яни́, Го́споди, бра́тій на́ших пліне́нних і ізба́ви я от вся́каго обстоя́нія. Пом'яни́, Го́споди, плодонося́щих і доброді́лающих во святи́х Твої́х це́рквах і даждь їм я́же ко спасе́нію проше́нія і жизнь ві́чную. Пом'яни́, Го́споди, і нас, смире́нних, і грі́шних, і недосто́йних раб Твої́х, і просвіти́ наш ум сві́том ра́зума Твоєго́, і наста́ви нас на стезю́ за́повідей Твої́х; моли́твами Пречи́стия Влади́чиці на́шея Богоро́диці і Присноді́ви Марі́ї, і всіх Твої́х святи́х, я́ко благослове́н єси́ во ві́ки віко́в. Амі́нь.Київський Ізвод | Молитвослов
Молитва до святителя Михаїла, першого митрополита Київського, чудотворцяО святи́й вели́кий і пресла́вний архіпа́стирю і о́тче наш Михаї́ле, Руси́-Украї́ни первопресто́льниче і просвіти́телю, всіх же племе́н христия́нських благонаде́жний пред Бо́гом хода́таю, тебі́ припа́дающе мо́лимся: помози́ нам би́ти твоєя́ к Бо́гу любве́ подража́тельми, є́юже в земні́м животі́ твоє́м преіспо́лнен бил єси́. Просвіти́ уми́ і сердця́ на́ша сві́том Боже́ственнаго уче́нія. Научи́ нас тебі́ послі́довати ві́рно і за́повіді Госпо́дні усе́рдно твори́ти, да яви́мся ча́да твоя́ не і́менем то́кмо, но і всім житіє́м, та́ко позна́ємся. Моли́ся, равноапо́стольне ієра́рше, о Це́ркві украї́нстій, о гра́ді твоє́м і оби́телі, в не́йже нетлі́нно мо́щі твоя́ святи́я почива́ють, і о всем Оте́честві на́шем, при́зри ми́лостивно на вся ві́рния твоя́ чти́телі, по́мощі твоєя́ і́щущия; бу́ди всім в болі́знех ціли́тель, в ско́рбіх і печа́ліх уті́шитель, в біда́х і ну́ждах помо́щник, в час же сме́ртний засту́пник і покрови́тель, да твоє́ю по́мощію сподо́бимся і ми, грі́шнії, спасе́ніє получи́ти і Ца́рствіє Христо́во наслі́довати. Єй, святи́телю Христо́в, а́ще восхо́щеши мо́жеши помощи́ нам, да на по́мощ твою́ упова́юще, просла́вим ди́внаго во святи́х Свої́х Бо́га Отця́, і Си́на, і Свята́го Ду́ха, ни́ні, і при́сно і во ві́ки віко́в. Амі́нь.Київський Ізвод | Тропарі святим
Вікторія Віта Польова «Софія» (2011 red.2025) для сопрано, мішаного хору, флейти та струнного оркестру.Присвята Оранті, іконі Божої Матері в Софійському соборі. Композитор хотіла відобразити таємне споглядання лику Оранти, який поступово проступає з темряви, оживаючи в просторі храму; і космос тексту молитви святого Івана Дамаскина, як чрево Богоматері стає «просторішою за Небеса»; і раптове вторгнення реального світу у співі хрипкоголосих півнів та вранішніх птахів, що славлять новий день.Текст «О Тебі́ ра́дується…», (грец. "Επί Σοι χαίρει...") — особливий спів, складений святим Іваном Дамаскином на честь Богоматері, використовується як задостойник у літургії Василія Великого."О Тебі́ ра́дується, Благода́тная, вся́кая тва́р, А́нгельський собо́р, і челові́чеський ро́д, освяще́нний Хра́ме, і Раю́ слове́сний; Ді́вственная похвало́, із Нея́же Бо́г воплоти́ся,і Младе́нець би́сть, пре́жде ві́к си́й Бо́г на́ш; ложесна́ бо Твоя́ Престо́л сотвори́, і чре́во Твоє́ простра́нніє Небе́с соді́ла;О Тебі́ ра́дується, Благода́тная, вся́кая тва́р, сла́ва Тебі́."https://youtu.be/T-Fgtc0KP-M?si=3kq-W3JYktVP-f4w
We and selected third parties use cookies or similar technologies for technical purposes and, with your consent, for other purposes (“basic interactions & functionalities” and “measurement”) as specified in the Cookie policy.
You can freely give, deny, or withdraw your consent at any time.
You can consent to the use of such technologies by using the “Accept” button. By closing this notice, you continue without accepting.
