Київський Ізвод (Молитовник, Біблія, Тропарі) | Молитва до рівноапостольної Ніни, просвітительки ГрузіїО, всехва́льная...

Молитва до рівноапостольної Ніни, просвітительки ГрузіїО, всехва́льная і преди́вная равноапо́стольная Ні́но, воісти́ну вели́коє украше́ніє Це́ркве Правосла́вния і ізря́дная похвало́ наро́ду Івері́йському, просвіти́вшая всю страну́ Грузи́нськую Боже́ственним уче́нієм, і по́двиги апо́стольства побіди́вшая врага́ на́шего спасе́нія, трудо́м і моли́твами насади́вшая зді вертогра́д Христо́в і возра́щшая єго в плод мног! Пра́зднующе святу́ю па́м'ять твою́, притека́єм к честно́му ли́ку твоєму́ і благогові́йно лобиза́єм всехва́льний дар тебі́ от Бо́жия Ма́тере, чудотво́рний Крест, єго́же ти обви́ла єси́ драги́ми власи́ твої́ми, і уми́льно про́сим, я́ко при́сную предста́тельницю на́шу: огради́ нас от вся́ких зол і скорбе́й, вразуми́ враго́в Святи́я Це́ркви Христо́ви і проти́вников благоче́стія, охраня́й твоє́ ста́до, упасе́нноє тобо́ю, і моли́ Всеблага́го Бо́га, Спаси́теля на́шего, Єму́же ти ни́ні предстої́ши, да да́руєть правосла́вному наро́ду на́шему мир, долгоде́нствіє і во вся́ком до́брім начина́нії поспіше́ніє, і да приведе́ть Госпо́дь нас в Небе́сноє Своє́ Ца́рствіє, іді́же всі святі́ї славосло́в'ять Всесвято́є Єго́ і́м'я ни́ні, і при́сно, і во ві́ки віко́в. Амі́нь.Київський Ізвод