Вольны беларускі ўніверсітэт запрашае на новыя анлайн-курсы – глядзіце якія ⬇️1️⃣ Шлях да Еўрапейскага звязуКурс пра працэсы еўрапейскай інтэграцыі, заснаваны на вучэбнай праграме Collegium Civitas. Удзельнікі (-цы) даведаюцца пра механізмы, што фармуюць сучасную Еўропу, і прааналізуюць выклікі і магчымасці для новых чальцоў ЕЗ. Курс гібрыдны, можна далучыцца ў Варшаве ці анлайн. Навучанне будзе на польскай.2️⃣ Еўрапейская сістэма абароны правоў чалавека Курс пра тое, як такія інстытуты, як Рада Еўропы і АБСЕ, фарміруюць сучасныя стандарты абароны правоў чалавека. Вы даведаецеся, як працуюць гэтыя арганізацыі і якія механізмы там даступныя для абароны правоў чалавека. У гэтым і наступных курсах навучанне будзе па-беларуску.3️⃣ Гісторыя Беларусі: ХХ стагоддзеКурс дапаможа вам пашырыць веды пра фармаванне беларускай нацыі і яе ролю ў міжнародных дачыненнях Еўропы. На курсе абмяркуюць ключавыя падзеі і працэсы, якія вызначылі шлях Беларусі ў XX стагоддзі і яе ўзаемаадносіны з іншымі краінамі.4️⃣ Гісторыя Беларусі: снежань 1991 – лістапад 1996Гэты курс дазволіць удзельнікам паглыбіць свае веды і аналітычныя навыкі. Вы разгледзіце прычыны і наступствы трансфармацыі парламенцкай дэмакратыі ў персаналісцкую дыктатуру.5️⃣ Знешняя палітыка БеларусіКурс асвятляе пытанні знешняй палітыкі Беларусі, у тым ліку яе ўзаемаадносіны з іншымі краінамі і міжнароднымі арганізацыямі. Удзельнікі (-цы) атрымаюць навыкі аналізу знешнепалітычных выклікаў і магчымасцей для краіны ў сучасных умовах.#адукацыя