Bu afta haberler Avropa Birligi, Yevhen Jukov, Sizikov, mebuslar, İrına Danılovıç, Nataliya Belitzer aqqında:🔷 Rusiye Tış işler nazirliginiñ konsullıq departamentiniñ müdiri Oleksiy Klimov bildirdi ki, Qırım ziyaretleri ruslarnıñ AB memleketlerinde tutulmasınıñ sebebi ola bile. 🔷 Qırımnıñ Rusiye ordusı tarafından işğal etilgenini gizlemek ve bu areketlerni qanunlaştırmaq içün qanunsız qararlar qabul etken Qırım Muhtar Cumhuriyeti Yuqarı Şurasınıñ VI çağıruvnıñ mebusı devlet hainligi içün 14 yılğa mahküm etildi.🔷 İlk yaz ayınıñ 15-nde Avropa Birligi Şurası, Qırım ve Sevastopol (Aqyar) şeeriniñ Rusiye tarafından qanunsız işğaline cevap olaraq kirsetilgen sanktsiyalarnı uzattı. 🔷 Kıyiv apellâtsiya mahkemesi işğal etilgen Qırımnıñ "Kirov rayon mahkemesi"niñ mahkemecisini yarımadadan ukrayinlilerniñ qanunsız sürgün etilmesinde iştirak etkeni içün 10 yılğa mahküm etti.🔷 Ukrayina mudafaa naziri Mıhaylo Fedorov bildirdi ki, ukrayin dronları işğal etilgen Qırımnı izolâtsiya ete, onıñ içün eñ yaqın kelecekte yarımada adağa çevirilecek.🔷 İşğal etilgen Sevastopol (Aqyar) şeeriniñ Rusiye tarafından "Yehova şaatları" davası çerçivesinde mahküm etilgen sakini Yevhen Jukov Yaroslavl vilâyetiniñ müstemlekesinde apis cezasını çekip azat etildi.🔷 İşğalciler tarafından 17 yılğa mahküm etilgen kör Qırım siyasiy mabüsi Oleksandr Sizikovnı Rusiyeniñ Krasnoyarsk vilâyetinde yerleşken bölge verem hastahanesinden çıqarıp, Minusinsk apishanesine qaytarmağa azırlanalar.🔷 Ukrayinada mahkeme işğal etilgen Qırımnıñ Yalta şeer şurasınıñ ekinci çağıruv "mebusı"nı istilâcı devletke yardım etkeninde qabaatlı tanıdı.🔷 "Sıñırsız mühbirler" halqara teşkilâtı (RSF) ve Amerika Human Rights Foundation (HRF) BMTnıñ altı mahsus maruzacısını ukrayin jurnalisti, siyasiy mabüs İrına Danılovıçnıñ davasına acele kirişmege çağırdılar. 🔷 Kıyivdeki Baykov mezarlığında ilk yaz ayınıñ 20-nde qırımtatar halqınıñ aqları içün küreşken ukrayin alim Nataliya Belitzer ile vedalaştılar. O, ilk yaz ayınıñ 18-nde 87 yaşında vefat etti.Telegram, WhatsApp, Facebook, TikTok ve YouTubede Suspilne Qırım haberlerine abune oluñız