"Pavutına" ameliyatınıñ aqibetleri, devlet hainligi içün tevqifler, qırımtatar erbaplarnıñ vefat etüvi, bütün qorantanıñ ğayip oluvı, tecavuz yaşağan balalar künü – Suspilne Qırımdan bu aftanıñ esas haberleri:🔷İşğal etilgen Qırımda bizarğannıñ 2-nde 91 yaşındaki Vait Muhtarov — qırımtatar faalcisi, milliy küreş idmancısı ve, molla vefat etti. Onıñ ğayretleri neticesinde Simferopol rayonınıñ Canatay (evelki İvanovka) köyünde cami açıldı.🔷Yarımadanıñ işğalli akimiyeti "grantlar" ve "gönülcilik" adı altında gençlerni arbiyleştire: studentlerni taktik tibbiyet derslerine qoştura, cebege yardım etmege ve balalar arasında teşviqat yapmağa mecbur ete.🔷 Vaqtınca işğal etilgen Sevastopolda bütün bir qoranta ğayıp oldı. Rusiye quvetçileri eşler Oleğ ve Natalânı hırsızladı, olarnıñ 9 yaşında balasını ise bala evine alıp kettiler. Ana-babanıñ bulunğan yeri belli degil, balasına ise iç bir şey aytmağa imkân berilmey.🔷 İşğal etilgen Qırımda qırımtatar yırcısı, Simferopoldaki "AENK" hastahaneleri ağınıñ tesisçisi Arsen Kursaitov vefat etti.🔷 Qırım işğalden azat etilecek soñ duşmannen işbirlik faaliyetine binaen mesüliyetke tahminen 200 biñ insan çekile bilir. Devletniñ maqsadı er kesni cezalamaq degil, adaletni ve akimiyetke olğan işançnı tiklemektir.🔷Cuma künü, bozarğan aynıñ 6-nda, Kıyivdeki Nıvki camisiniñ azbarında qırımtatarlar Qurban bayramını qayd etmek içün toplaştılar. Qurban bayramı acılıqnıñ yekünlenüvini belgiley. Tedbirniñ teşkilâtçıları, hususan, Qırımtatar Milliy Meclisi ve Qırım musulmanları Diniy idaresi oldı.🔷 İşğal etilgen Qırımda FSB hadimleri Sevastopol ve Bilogirsk rayonınıñ eki qadın sakinini tuttılar. Olarğa qarşı "casuslıq şeklinde devlet hainligi" boyunca cinaiy davalar açıldı. Quvetçiler, qadınlar Ukrayina mahsus hızmetlerine Rusiye arbiy obyektleri aqqında malümat berdi, dep iddia ettiler. Olarnı apiske aldılar.🔷Ukraina Havfsızlıq hızmetiniñ mahsus operatsiyası neticesinde Keriç köprü daa bir zarar körgen soñ, bozarğannıñ 3-nde işğalciler bu obyektni qullanmağa devam ete bileler. Amma buña "aqibetlerni ciddiy şekilde ögrenmek" kerek.🔷 Bozarğan aynıñ 4-nci künü, Halqara istilâ qurbanı olğan qabaatsız balalar künü, Ukrayinada vaqtınca işğal etilgen topraqlarda, hususan Qırımda, balalarnıñ meseleleri aqqında hatırlattılar. 🔷 Ukraina havfsızlıq hızmetiniñ "Pavutına" büyük mahsus operatsiyasından soñ, bozarğan aynıñ 1-nde, RF Ava-kâinat quvetleriniñ bombardıman uçaqlarına ücüm etilgen soñ, ava mudafaası esapları işğal etilgen Qırımda ava limanlarınıñ devriyini quvetleştirdi.Qırımnen bağlı esas vaqialardan haberdar olmaq içün Suspilne Qırımnıñ Telegram kanalına abune oluñız.