✙ НТП ✙ | Молитва о дарованії Православнаго Гетьмана державі нашей УкраїніГо́спо...

Молитва о дарованії Православнаго Гетьмана державі нашей УкраїніГо́споди Бо́же наш, Вседержи́телю, Царю́ Святи́й, імі́яй держа́ву і крі́пость, прему́дрость і благода́ть, посажда́яй царі́ на престо́ліх і низлага́яй, созда́вий язи́ки і дарова́вий їм вла́сті, руко́ю Твоє́ю поста́вленния і архієре́ї Твої́ми на ца́рствіє пома́занния. Мо́лимтіся, Влади́ко Человіколю́бче: я́коже дре́вле Ізра́їлю Дави́да царя́ дарова́л єси, пома́заннаго Твоєго́, челові́ка по се́рдцю Твоєму́, та́ко і ни́ні да́руй держа́ві на́шей Украї́ні Ге́тьмана Правосла́внаго, Це́ркві Правосла́вній і наро́ду христия́нському засту́пника, і повели́ єму́ властели́ну би́ти над людьми́ Твої́ми. Сохраня́я в се́рдці своє́м за́повіді Твоя́ подо́бно святи́м благові́рним князе́м Ки́євським, да попече́ться о спасе́нії наро́да украї́нськаго, яко Влади́мир Вели́кий, і госпо́дствуєть со благоразу́мієм Яросла́ва Му́драго і му́жеством Влади́мира Монома́ха. Єрети́к і безбо́жник да посрами́ть, крамолу́ обновле́нськую да іскорени́ть, благочести́вия же оби́чаї церко́вния і наро́дния да сохрани́ть і утверди́ть. Споспі́шествуй єму́, Го́споди, раско́ли церко́вния уврачева́ти, от наше́ствія іноплеме́нних і междоусо́бния бра́ні Оте́чество на́ше защити́ти, і ми, грі́шнії раби́ Твої́, да ти́хоє і безмо́лвноє житіє́ поживе́м во вся́цім благоче́стії і чистоті́. Ти бо єси́ побі́да на́ша, і ізбавле́ніє, і спасе́ніє упова́ющим на Тя, Єди́ний Небе́сний Царю́, і Тебі́ сла́ву возсила́єм, Отцю́, і Си́ну, і Свято́му Ду́ху, ни́ні, і при́сно, і во ві́ки віко́в. Амі́нь.НТП