Псалом 93¹ Бог отмще́ній Госпо́дь, Бог отмще́ній не обину́лся єсть.² Вознеси́ся, судя́й землі́, возда́ждь воздая́ніє го́рдим.³ Доко́лі грі́шници, Го́споди, доко́лі грі́шници восхва́ляться?⁴ Провіща́ють і возглаго́лють непра́вду, возглаго́лють всі ді́лающії беззако́ніє?⁵ Лю́ди Твоя́, Го́споди, смири́ша, і достоя́ніє Твоє́ озло́биша:⁶ вдови́цю і си́ра умори́ша, і прише́лця уби́ша,⁷ і рі́ша: не у́зрить Госпо́дь, ніже́ уразумі́єть Бог Іа́ковль.⁸ Разумі́йте же, безу́мнії в лю́дех, і бу́її ні́когда, умудрі́теся;⁹ насажде́й у́хо, не сли́шить ли? Іли́ созда́вий о́ко, не сматря́єть ли?¹⁰ Наказу́яй язи́ки, не обличи́ть ли, уча́й челові́ка ра́зуму?¹¹ Госпо́дь вість помишле́нія челові́чеськая, я́ко суть су́єтна.¹² Блаже́н челові́к, єго́же а́ще нака́жеши, Го́споди, і от зако́на Твоєго́ научи́ши єго́;¹³ укроти́ти єго́ от дній лю́тих, до́ндеже ізри́ється грі́шному я́ма.¹⁴ Я́ко не отри́неть Госпо́дь люді́й Свої́х, і достоя́нія Своєго́ не оста́вить;¹⁵ до́ндеже пра́вда обрати́ться на суд, і держа́щіїся єя́ всі пра́вії се́рдцем.¹⁶ Кто воста́неть мі на лука́внующия? Іли́ кто спредста́неть мі на ді́лающия беззако́ніє?¹⁷ А́ще не Госпо́дь помо́гл би мі, вма́лі всели́лася би во ад душа́ моя́.¹⁸ А́ще глаго́лах: подви́жеся нога́ моя́, ми́лость Твоя́, Го́споди, помога́ше мі:¹⁹ по мно́жеству болі́зней мої́х в се́рдці моє́м, утіше́нія Твоя́ возвесели́ша ду́шу мою́.²⁰ Да не пребу́деть Тебі́ престо́л беззако́нія, созида́яй труд на повелі́ніє.²¹ Улов'я́ть на ду́шу пра́ведничу, і кров непови́нную осу́дять.²² І бисть мні Госпо́дь в прибі́жище, і Бог мой в по́мощ упова́нія моєго́;²³ і возда́сть їм Госпо́дь беззако́ніє їх, і по лука́вствію їх погуби́ть я Госпо́дь Бог наш.Київський Ізвод