Повідомлення telegram каналу - @kulturnyja_liudzi

Гасцінна, шчыра, весела адзначыла вёска Матошка чарговае свята 💃👏
Здаецца, толькі ўчора прыйшла ідэя штогод збірацца ў родным куточку, каб успомніць сваякоў і сяброў.
Няўмольна бяжыць час, і вось ужо 16 гадоў прайшло з таго часу.
Нам пашчасціла жыць у цудоўнай краіне, імя якой – Беларусь. Наша родная вёсачка Матошка – яе прыгожая часцінка. Гэта наша зямля, наша Радзіма, і толькі тут сэрцу па-сапраўднаму ўтульна, а думкам – хораша.
Заўсёды з вялікім нецярпеннем чакаем ліпень, каб ­сабрацца на чарговую сустрэчу. Яны ў нас вельмі цёплыя, і не хапае нават часу, каб нагаварыцца, распытаць пра тое-сёе. Заўсёды ўспамінаем тых, каго ўжо няма з намі.
Штогод на нашым свяце вёскі прысутнічае творчы калектыў з Ухвалы «Чара­дзейка». Артысты ствараюць добры настрой, жыхары спяваюць разам з імі. Таму вельмі хочацца сказаць ім шчыры дзякуй за добрыя песні ад усіх удзельнікаў свята.
Нізкі паклон вам, людзі. Нізкі паклон табе, родная вёска Матошка.
Марыя ФЕДАРЦОВА (Глінская), ураджэнка Матошкі, жыхарка г. Мінска.