Повідомлення telegram каналу - @kulturnyja_liudzi

Літаратурная пляцоўка на “Кургане Славы”
26 і 27 жніўня на мемарыльным комплексе “Курган Славы” прайшоў шэраг мерапрыемстаў, ДУК “Маладзечанская цэнтральная раённая бібліятэка імя М.Багдановіча” таксама прадставіла сваю літаратурную пляцоўку “Калі хочаш ведаць край, да нас у госці завітай”. Гасцям было прапанавана наведаць мноства цікавых лакацый: артвыстава і этнафотазона “Вечарына ў Паўлінкі”, прысвечаная 110-годдзю прэм'еры ў Радашковічах бессмяротнай купалаўскай “Паўлінкі”; літаратурныя віктарыны для інтэлектуалаў-літаратуразнаўцаў; каларытныя фотазоны: "Вечарына ў Паўлінкі", "Разам з Купалам", "Я так хацеў спаткацца з вамі…" карысталіся вялікім попытам. Кожнаму хацелася сфатагравацца, каб зберагчы ў памяці атмасферу свята.
Для маленькіх наведвальнікаў таксама працавала бібліятэчная інтэрактыўная пляцоўка: “Літаратурныя скарбы роднага краю”. Дзеці ўдзельнічалі ў стварэнні калажа з дзіцячых размалёвак “Беларусь – мая родная старонка!”, літаратурнай гульні-латэрэі “У паэтычным садзе Максіма Багдановіча”.