🔴 Аляксандр Фядута выступіць у Вільні з дзвюма лекцыямі

1 кастрычніка даследчык і літаратуразнаўца Аляксандр Фядута прачытае лекцыю «Імперыя супраць моладзі: гісторыя віленскіх філаматаў» у Віленскім беларускім музеі імя Івана Луцкевіча.

🗣 Вось што абмяркуюць:

🔵

Віленскі ўніверсітэт і яго роля ў культурным жыцці былога Вялікага княства Літоўскага
🔵

Кароткая гісторыя тайных моладзевых гурткоў у Вільні
🔵

Мэты і метады працы Таварыства філаматаў
🔵

Роспуск Таварыства, ход следства і метады пераследу
🔵

Лёс філаматаў

Месца: Віленскі беларускі музейі імя Івана Луцкевіча (Віленская, 20).
Час: 18:30.

2 кастрычніка ў Беларускім замку ў Вільні адбудзецца лекцыя «Раман Уладзіміра Караткевіча „Каласы пад сярпом тваім“: учора, сёння, назаўжды».

Аляксандр Фядута ў зняволенні напісаў своеасаблівы каментар да твора Караткевіча — кнігу «Лексікон «Каласоў пад сярпом тваім». У ёй аўтар прааналізаваў, на якіх асновах, базавых прынцыпах, вобразах грунтуецца тэкст Караткевіча.

2 кастрычніка падчас лекцыі ў Вільні аўтар «Лексікону» распавядзе пра сваё бачанне «Каласоў», герояў і сэнсаў легендарнага рамана. Вітаецца грамадскае абмеркаванне.

Месца: Беларускі Замак, Naujoji Riovonių, 10
Час: 18.00

❗️

Уваход на абедзьве сустрэчы вольны.

Мерапрыемствы ладзяцца ў межах праграмы «ArtPower Belarus» у сумесным праекце Міжнароднага Саюза беларускіх пісьменнікаў і грамадскай культурніцкай кампаніі «Будзьма беларусамі».